လာမယ့်နှစ်မှာ ၀တ္ထုရှည်တစ်အုပ် ကိုယ်ပိုင်ရေးပြီး ထုတ်ဝေနိုင်ဖို့ ကြိုးစားနေပါတယ်။ ဘာသာပြန်တွေကတော့ ကြားထဲမှာ ထွက်ဦးမှာပေါ့။ ဒါပေမယ့် ကျွန်တော့်မှာ ၀တ္ထုတစ်အုပ်လုံး ရေးရလောက်တဲ့ ကျွမ်းကျင်မှု မရှိသေးဘူးလို့ထင်တယ်။ ဒီတော့ ၀တ္ထုတိုတွေ၊ အခန်းဆက်တွေကို လေ့ကျင့်မှု အနေနဲ့ အဆက်မပြတ်ရေးသွားမယ်။ ရေးသမျှကို ဒီ Website မှာ တင်သွားမယ်။ စာဖတ်သူတွေ အခမဲ့ ဖတ်လို့ရအောင် ဒီအတိုင်း တင်ထားမှာပါ။ အဆင်ပြေသည်၊ မပြေသည်ကိုလည်း အကြံပေးလို့ရပါတယ်။
တစ်လကို ၀တ္ထုတို တစ်ပုဒ်လောက် ကြိုးစားပြီး တင်သွားမယ်။ ၀တ္ထုရှည် မရေးခင် လက်ရည်သွေးတဲ့ သဘောပေ့ါ။ Horror/ Thriller တွေပဲ ဖြစ်ဖို့များပါတယ်။ ကျွန်တော်အကြိုက်ဆုံး စာရေးသူတွေဖြစ်တဲ့ Stephen King, George R.R. Martin, Lee Child, Gillian Flynn စတဲ့ သူတွေရဲ့ လွှမ်းမိုးမှုတွေကတော့ အများကြီးပါနေဦးမှာပဲ။
ပထမဆုံး ၀တ္ထုတိုကို နောက်တစ်ပါတ်ထဲလောက် တင်နိုင်မယ်ထင်တယ်။
ကျေးဇူးပါ။
